Shillong, Rymphang 06: Kane ka Tamasa pynshong shit
ne pynlam wir ia ki paidbah ne ka Election kumba ong ka ktien nongwei ka la sdang biang mynta u bnai Rymphang 2023 bad kane ka jadu pynbiej ia ka jingmut jingpyrkhat jong ki paidbah kan iai bteng haduh kumba ar taiew tam ei ei naduh mynta ka taiew.
Ha kane ka tamasa shongshit paidbah,bun ki paidbah naduh ki samla ki samhoi, shynrang bad kynthei,ki riew rangbah bad longkmie ruh kumjuh ha ki kyrdan bapher bapher kim khein ne kim salia shuh ia ka sngi ka miet,kim salia shuh ia ka duh thiah ka duh dem bad khlem tyngkai shuh ruh ia ka por .
Ka bor jongki ban pynlut kai bad pynleit jingmut beit triang tang shaphang uta u kandidiet bad ka party jong ki Ka dei ruh ka por ia peit matdong briew,ka por ba ia bishni_pihuin para shnong para thaw, bad ka por wat ban ia phoi bad ia pait iapra wat shi ing shi sem ruh kumjuh.
La iohi ba,man ka por ba,katba dang jngai ka Tamasa shongshit paidbah ,bun ki briew ki iakren tip briew tip Blei suda.,Bun ruh ki la ia pynpaw ba ki la ngiah bad kdang hi shoin ia kane ka Tamsa hynrei mynta pat,mar ia poi kane ka tamasa,,kine hi kijuh ki briew kiba leh shongshit khleh biej eh hakhmat hakhmat ryngkat bad u kandidiet jongki.
Don bun bah ki daw balei tang shu poi kane ka Tamasa pynshongshit paidbah (election) ki briew ki ia leit noh iap kumba shoh jadu ka myntor.Dei ha kum kane ka por ba ka khawai ka dawai ka pahuh kyrhai na u kandidiet bad ka party jongu.
Ka dei ruh ka aiom kaba u kandidiet u dang don ka mynsiem ieit,burom bad pynsngew jan ia ki paibah.Ka dei ruh ka aiom ban ioh leh ba heh,shong kali ei bad jied da kino kino ki kali rem dor katba mon .
Ka dei ruh ka aiom ba ki kandidiet bad ka party jongki ki iohlad bad shim kabu ban pynkiew skong ia u paidbah nongkyrshan jongki khamtam ia u duk u suk bad u luk u lak uba kham shitom ban ioh leh ba heh ba hain kum kiba ioh kabu kiba ioh ba kot.
Hynrei,mar ia dep thep vote pat,kynjah hi jar ka jingshongshit ki paibah.Ki kandidiet kin leit rieh noh sha ing paki_dulan jongki.Ki paidbah bapli kin shem.shitom ban wad bad iakynduh ia ki.
Kiba rem lei ki jah syndon noh jar bad kiba jop pat kin ia leh bad ia rai katba mon ne sngewbit ma ki.Lada ki paidbah nongpynjop jongki ki isih bad shun ia ka party BJP.
Ki MLA ba la pynjop jongki pat kin leit ia snoh khnang shata.Lada ki paidbah kim mon ne sngewtynnad ia ka party NPP ba ki ong hana,long kumba leit ai doh lypa ia u Garo ne ka AITC ba ki ong ka party Bengalee na Kolkata,ki MLA ba kin sa pynjop pat kin leit noh iap sia sia shata kumba noh iap u dkhiew ha ka thit.
Peitkai kein, mar ia jop, khlem artatien ki MLA bad ka party ba ki jop kim nym khein briew shuh ne kim salia ishuhbiabki paidbah nongkyrshan lajong hynrei khlem artatien kin pyngngeit bad pynksan ia ki paidbah nongkyrshan ba kin leit ia snoh rdin kat sha ka party ba ioh thaw sorkar.
Ki paidbah bapli ki kylla long tang kum u brut,Ynda la dep pyndonkam ia u,ki bret noh sha rud bad sha nala khlem salia shuh. Mynta,ba dang ioh pisa bher bher,man u briew u lok suda,hynrei ynda la kyduh pat,wat tang ha tyngkong iing ruh kim shlan ban wan mih.
Ki paidbah ki dei ban da khan da pyrkhat bha,ki dei ban da puson janai bha ha kum kane ka por shongshit ioh ki babe dier por kylla tang shu mar ia dep ka tamasa pynshongshit paidbah(election).
