Shillong, Nailur 28: Mynta ka sngi ka seng HYC Shella Unit kala pynkup burom ban ai khublei ia ki lai ngut ki khun samla na Shella kiba la shah jied ban ia shim bynta ha ka jingiakop jngi ka ka jingialehkai kaba 36th National Games ka ban long ha Gujarat.
Naka jylla Meghalaya saw ngut kiba la shah jied ban ia shim bynta ha ka jingiakop jngi ha ka jingialehkai kaba 36th National Games ka ban long ha Gujarat ki don saw ngut, lai ngut na East Khasi Hills District wei na South West Khasi Hills District, u Banpynshngain Syngwan, ka Pdiangsuklang Syngwan, ka Maryone Syngwan bad u Mebansan Sangma.
U bah Roy Kupar Synrem General Secretary ka seng HYC seng kmie haba kren ha ka jignialang kaba la long ha Shillong Club la ong ba kum ka seng ka sngew sarong ban iohi ba na ki saw ngut ki kiba la shah jied ban ia shim bynta ha ka jingiakop jngi ha ka 36th National Games ka ban long ha Gujarat, kine ki lai ngut kidei na Shella.
U bah Roy Kupar Synrem la ong ba kum ka seng kan pynsngew sha ka sorkar ba ka dei ban buh ia ki jaka jngi sha Shella na ka bytna ban ai lad ia ki samla ba kin dang pyntbot shuh shuh ha kane ka kam jngi, wat hapdeng ki jingduna kiba bun lai ngut kiba mihkhmat ia ka jylla ki dei na Shella.
Ha kane ka jingiaburom ia kine ki lai ngut da ka seng HYC Shella Unit kila ka long kum ka jingaimynsiem ia ki ba kin leh bha ha katei ka jingiakop bad khmih lynti ba kin wan rah burom ia ka jylla ka shnong ka iing ka sem baroh kawei.
