Shillong, Jymmang 23: Ka KSU Umsning Circle ha ka jingialam u President u Samla Lester Nongbet bad kiwei kiwei ki Nongialam ka lah leit kynduh bad phah syn don da ka jingthoh sha u Manager ka SBI Umsning branch halor ka jing bym treikam tikna ki Automated Teller Machine (ATM).
Ka KSU Umsning circle ka la shim ia kane ka sien jam hadien ba ka lap ia ki jingdkoh jong ki machine ban Shakri ia u paidbah bad kita ki long halor Ka jingheh jong ka area ba ka SBI Umsning branch ka hap khmih ba kynthup ia 260 tylli ki shnong bad ka jingbun paid jong u paidbah.
Ki ATM ba jan tam na Umsning ki kynthup ia ki ATM ha Nongpoh bad Umiam ba jngai haduh da ki 30 KM bad 22 KM bad shuh shuh Ka jing bym lah ban shakri pura ka ATM ha Umsning ha ka rukom ba dei ia u paidbah bad ka ktah ia u paidbah u ba wan na jngai uba hap ban pynlut ia ka bai kali hynrei hap shem ia ki ATM bym treikam.
Te kumta ka KSU Umsning Circle ka lah ai da ka jingthoh bad ai por lai sngi lym kumta kan shim ia ka sienjam ban khang tala syndon ia kane ka Branch ha Umsning.
