Lap ka DoT ba ki don 1.52 lak tylli ki sim kard ha Meghalaya da kaba shuai kot thok

Shillong, Jymmang 11: Ka Department of Telecom (DoT) ka la lap kumba 1.52 lak ki connection mobile phone ba la suba ba ioh da kaba ai ia ki kot ki sla ba thok ha ki Points of Sale (PoS) ba bun jong ki Telecom Service Providers (TSPs) bapher bapher ha ki hynriew tylli ki jylla kiba hap hapoh ka North East LSA – Arunachal Pradesh, Manipur, Meghalaya, Mizoram, Nagaland & Tripura.

Palat 1.47 lak tylli ki connection mobile kim shym la lah ban pyndep ia ka kam ban pynthikna biang (re-verification)bad la pynduh noh ia kine da ki TSP ha ka thain. Haduh mynta, ki TSP ki la kyntait ia 493 tylli ki PoSbad ki la ai haduh 71 tylli ki jingujor sha ki pulitpyshah kine ki PoS khnang ba ki pulit kin leh ia kaba donkam.

Bun na ki kam beain kum ki cybercrime, ki jingthok pisa bad ki kam sniew ha ka imlang sahlang ki dei kiba la leh da kaba pyndonkam ia ki SIM kiba ioh da kaba ai ia ki kot ki sla ba thok.

Khnang ban lap bad weng ia kum kine ki SIM, ka DoT ka la shim ia ka sienjam ban thaw bad pyntreikam ia ka Artificial Intelligence and Facial Recognition Powered Solution kaba la shna da ka ri na ka bynta ka Telecom SIM Subscriber Verification (ASTR).

Kane  ka dei ka rynsan kaba thmu ban pynlait na ki kam beain cybercrime. Kane ka rynsan ka pyndonkam ia ki dur jong ki nongbat mobile bad ka database jong ki Telecom Subscriber Provider (TSP) ban lap ia ki jingshim connection mobile da kaba ai ia ki kot ki sla ba thok.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet