Lap ka seng UHM ba sniew palat ka surok ban leit na Mawsynram sha sandi Syntein

Shillong, K.Lyngkot 10: Ka seng United Hynniewtrep Movement (UHM) kala leit ban jurip ia ka surok kaba leit na Maesynram sha Sandi Syntien, ha ka jinglap jong ka seng ka long kaba sniew sha ba palat.

Ka seng UHM kala kdew ba ka shnong syntein ka dei ka shnong kaba don ia ka lat ban kyntiew ia ka ki kam jngohkai pyrthei bad kumba ka long mynta ka khring bha ia ki paidbah bad ka dei ka thain kaba pynmih bha ia ki kriah ki shang.

Ha ka jingleit jong ka seng UHM ban jurip ia kane ka surok la shem ba ka long kaba la tor bad na ka liang jong ki nongshong shnong kila pynpaw ia ka jingsngewsih ba sniew palat kane ka surok, na ka liang jong ka seng ka kynnoh ba kane ka dei ka jingieh bein jong ka PWD ia kane ka thain.

Ban kdew ba ka thain sandi Syntein ki don san tylli ki shnong, ka Kenmensaw, Kenbah, Jympait, Dongskong bad ka Mawkaphan, ha ka jingshisha na ka liang jong u MLA u dei ban pyndon kam na ka pisa MLA skhim ban maramot ia kane ka suro kaba leit sha kitei ki shnong.

U President ka seng u bah Charlie J Rani ha ka kyrwoh kaba la phah mynta ka sngi u la ong ba ka seng kan nym shong kli kti ban peit ba ki surok hapoh ka Konstitwensi kin long kiba bit ba biang, la kyntu ba u dei ban buh ia ki jingkylli hapoh Assembly.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet