Shillong, Nailur 26: Mynta ka sngi ka Shillong Municipal Board ha ka jingdon lang ki dkhot ka seng FKJGP kila pynlong ia ka jingkhynra ia ki Trade License ha Keating Road, ha kaba la lap bun ki dukan ki khlem pynthymmai la bun bun snem ki bar jylla kiba trei kam khaii ha katei ka jaka.
Ha kane ka jingkhynra la lap ba bun ki dukan kim don ia ki kot ki sla bad kila pyniaid ia ki dukan jong da ki Trade Licences kiba rim don kiba khlem pynthymmai naduh u snem 2010 ruh, hynrei ki pyniaid ia ka dukan jong ki khlem kano kano ka jingwit ha katei ka thain Keating Road.
Ha kane ka jingkhynra la shem ba ki don kiba la kyntur ia u pud jong ki briew kiba buh dukan ha katei ka jaka, ia kane ka jingleit ban khynra la leh da ki ophisar jogn ka Shillong Municipal Board bad ki dkhot jong ka seng FKJGP na Malki.
Na ka liang ka seng FKJGP kala kyntu ia ki bor ba dei khmih ba kin shim khia ban tehlakam ia ka jingkyntur pud ki bar jylla ha katei ka thain bad ki dawa ba ki nong dei dukan ha katei ka jaka dei ban thungkam ruh ia ki trai jylla.
