Shillong, Naiwieng 07: Katba ka jingiakren ha Bangladesh hapdeng ki shipai iada khappud, Boarder Security Force (BSF) bad ki shipiang jong ka Bangladesh ha Shyllet ka dang iaid sha khmat, ka jingpyrshang jong ki khar Bangladesh ban ioh rung sha India pat ka dang iaid sha khmat.
Na ka liang jong ki Shipai BSF ha ka san tarik mynta u bnai ki la ioh ba kem ia lai ngut ki khar Bangladesh na ka shnong Kuliang ha khappud bad ka Bangladesh bad kine kiba shah kem ki long u Md Bakiruddin, Ansul Haque, Abdul Khalika bad Abdul Rehman. Baroh kine ki dei na ka district Shyllet jong ka Bangladesh.
Ha ka jingtohkit jong ki BSF ia kine ki lai ngut ki briew ki la phlala ba u don uwei u briew u ba ki tip kyrteng kum ka Md Sukur Ali uba la sawphew snem ka rta u ba la trei ia kane ka kam dalal na ka bynta ban pynrung ia ki briew na Bangladesh sha Meghalaya.
La iathuh ba ha kane ka por ba ki BSF ki ioh ban kem ia ki utei u nongialam jong u la ioh ban phet krad na katei ka jaka. La iathuh ba ka jingthmu jong ki ban kiew sha India ka long ban leit wad bylla tih dewiong sha ki thain Ladrymbai jong ka East Jaintia Hills District.(SP News)
