PM chairs Video meeting of Governors, CMs and LGs to discuss aspects of Indias G20 Presidency, in Delhi on December, 09, 2022.
Shillong, Iaiong 29 : Katba ka prokram radio kaba man ka bnai jong u Myntri Rangbah duh ka Mann Ki Baatkan kot sha ka bynta ba 100 jong ka, ka Tnat Information and Broadcasting ka la pynkhreh ban pyni live ia ka prokram ha baroh ki Raj Bhavan jong ka ri ha ka 30 tarik Iiaong, 2023.
Ha kaba iadei bad kane ka sienjam, ka Raj Bhavan ha Shillong ka la pynkhreh na ka bynta ban pyni live ia ka bynta ba 100 jong ka Mann Ki Baat. Ki lad pathai khubor ha Shillong hapoh ka Tnat Information of Broadcasting, ha ka jingiatreilang bad ka Raj Bhavan, kin pynlong ia ka jingpyni kyrpang ia kane ka prokram radio kaba pawnam.
U Lat ka jylla Meghalaya, u PhaguChauhanunplie ia ka jingialang kum u kongsan. La khot sngewbha ia ki riew pawkhmat ha ki bynta bapher bapher bad ki nongmihkhmatpaidbah na ka bynta kane ka prokram.
La khot sngewbha ruh ia ki briew na ka jylla kiba la ioh jingiaroh na ka bynta ki kam jong ki ha ki bynta ba ladep jong ka Mann Ki Baat, ban sakhi ia ka jingpyni kyrpang ia ka bynta ba 100 jong kane ka prokram radio.
Ia ka bynta ba nyngkong jong ka Mann Ki Baat jong u Myntri Rangbah duh la sdang ha ka 3 tarik Risaw 2014 (Sngi Thohdieng) ha ka jingialang ba kyrpang jong ka Vijayadashamilyngba ka All India Radio (AIR).
Naduh u Iaiong, 2015, la pynmih ia kane ka prokram radio ha ka sngi U Blei kaba khatduh jong man u bnai. Ka bynta kaba khatduh kaba long ruh ka bynta kaba 99 ka la long ha ka 26 tarik u Lber, 2023.
Ha ryngkat ki rynsan ka AIR, la pyni ia ka da ka Doordarshanha baroh kawei ka rynsan jong ka. La pyni ruh da ka Doordarshaniakane ka prokram ha ka rukom kaba kyrpang na ka bynta kito kiba don jingeh ha ka bor iohsngew.
Ka bynta kaba nyngkong jong ka Mann Ki Baatka dei kaba 14 minit bad la kyntiew ia kane sha ka 19 bad 26 minit ha ka bynta kaba ar bad kaba lai. Ka jingjrong jong kane ka prokram radio ka la long kaba 30 minit naduh ka bynta kaba saw.
Ha kaba sdang, kane ka prokram ka dei tang ha ka ktien Hindi. Hadien kane, la pynmih lang ia ka prokram ha ka ktien phareng naduh ka 31 tarik u Kyllalyngkot, 2016 bad Sanskrit naduh ka 28 tarik u Jymmang, 2017.
Mynta, ka Mann Ki Baatka dei kaba pynmih ha 23 jait ki ktien kiba kynthup ia 22 tylli ki ktien ka ri India bad ka ktien phareng bad ruh ha 29 tylli ki ktien tynrai (25 na ka thain shatei lammihngi bad 4 tylli na Chhattisgarh) bad ruh ha 11 tylli ki ktien kiba nabar ri.
Ki ktien jong ka India ki kynthup ka Hindi, Sanskrit, Punjabi, Tamil, Telugu, Kannada, Marathi, Gujarati, Malayalam, Odia, Konkani, Nepali, Kashmiri, Dogri, Manipuri, Maithili, Bengali, Assamese, Bodo, Santhali, Urdu bad Sindhi.
Ki ktien tynrai ki long ka Chhattisgarhi, Gondi, Halbi, Sargujia, Pahari, Sheena, Gojri, Balti, Ladakhi, Karbi, Khasi, Jaintia, Garo, Nagamese, Hmar, Paite, Thadou, Kabui, Mao, Tangkhul, Nyishi, Adi, Monpa, Ao, Angami, Kokborok, Mizo, Lepcha bad Sikkimese (Bhutia).
Ki ktien French, Chinese, Indonesian, Tibetan, Burmese, Baluchi, Arabic, Pashtu, Persian, Dari bad Swahili ki dei ki ktien nabar ri ba pynmih ia kane ka prokram
U Myntri Rangbah Duh u la kren shaphang palat 700 ngut ki briew bad kumba 300 ngut ki kynhun haduh mynta ha ka prokram Mann Ki Baat. Kine ki kynthup ia37 ngut ki briew bad 10 tylli ki kynhun kiba nabar ri.
