Shillong, Naitung 06: Ki samla pule ka Synod College kiba dei na ka tnad Political Science kila leit ban jngoh ia ka karkhana M/s Gemini Feed Mill shna jingbam ia ki jingri kaba don ha Industrial Estate Umaim Ri Bhoi District.
Kine ki samla pule mynta ki dang hapdeng ka jingleh ia ka Internship bad u SP News Agency ban sngewthuh ia ka kam thoh khubor ha kane ka jylla Meghalaya, kane ka jingleit jngoh ia katei ka jaka shna jingbam ia ki jingri kum ka jingbam ia ki Masi, ki Syair, ki Shniang bad Dohkha ka long ba kin sngewthuh ia ka bynta kum ki nongthoh khubor.
Ha kane ka jngleit jong ki kila ia kynduh ia u trai jong ka M/s Gemini Feed Mill u bah Doniwan Wahlang ha kaba kila ia kren bad kylli ruh ia ki kam kiba ia dei bad kane ka kam kaba trei ban seng ia kane ka karkhana.
Ki jingkylli kiba la buh ha khmat ka long ha kaba ia dei bad ka jingdon kam ia ki nongtrei, halor kane u bah Doniwan la on ba kane ka dei ka kam kaba eh shisha namar jynjar ban ioh nongtrei khamtam ha kaba trei bor met, namar kane ka don kam bun kiban trei bor met.
Haba ia dei bad ki tiar kiba pyndon kam ha kaba pynmih ia ka jingbam ia ki jingri u bah Doniwan la pynsngew sha ki samla pule ba baroh ki wan na sha bar, ba don kam eh ha kane kaba pynmih jingbam dei u riew hadem u ba ka jylla ka lah ban pynmih hynrei kumba ka long mynta kam lah ban pynmih.
Ha ka juh ka por la iathuh ba kane ka bynta ka lat ka dang don shibun ba ki samla pule kin wan sha khmat ban shim kum kalat ban seng kam la jong, da kaba ri syiar, ri syniang, masi bad kum juh ka ri dohka, kane ka bynta ka dei ka bun ki samla pule mynta kila wan sha khmat namar ka jingioh nong ka long kaba bun.
