Shillong,Nailar 25: U MP jong ka Tura u Conrad K Sangma, u Thoms Sangma MP barimjong ka Rajya Sabha,ki la leit banjngoh mynta ka sngi ia ki dkhot jong ka AMMPWA kiba la pynlong ia ka jingshah thngan jong ki ban dawa na ka sorkar ban shim ia ki hapoh jong ka tand ka koit ka khiah.
Mynta ka sngi ha ka por kumba 11.20 baje mynstep u wei na ki nongiashimbynta u ha kane ka jingiakhih ban shah thngan u Nearmith Momin, na ka daw jong ka jingtlot u la kyllon bad la kit ia u sha civil hospital ban sumar.
Ka jingdawa jong ki nongtrei malaria ka long b aka sorkar jylla kadei ban shim ia ki hapoh jong ka tand ka koit ka khiah, katkum ka ‘office memorandum’ ba la thoh na ka Ministry jong ka health bad family welfare National Health Mission ha ka 23th Jylliew 2014.
Ia kane ka shithi ba la phah sha ki sorkar jylla baroh la sign da u Deputy Secretary,NHM , Capt. Kapil Choudhury kala ong ba ka sorkar jylla ka dei ban thaw ia ki post kiba ia hap bad kane ka kyrdan katkum ka jingdon jong ki nongtrei kiba dei jong ka MPW(MALE) lada dang don kam ban beteng ia kane ka kam ha dien jong ka 30.9.2014 bad ban thung ia ki kum ki nongtrei ba pura.
Kiwei kiba la leit ban jngoh ia ki dkhot jong ka AMMPWA kiba dang iai bteng ia kane ka jingiakhih ka jong ki da kaba shah thgnan ki long ka KHNAM kum ka seng sain pyrthei, ki seng bhalang kiba la leit ban jngoh ki long ka TUR, KSU bad GSU.
Hynrei kumba kalong haduh mynta na ka liang jong ka tand ba peit ia ka koit ka khiah kim pat leit ban iakren ia kine ki dkhot jong ka AMMPWA kiba don ha ka jingiakhih.
