Shillong, Risaw 17: U Myntri Rangbah ka jylla u Conrad K Sangma bad myntri ka tnad pule puthi u bah Lahkmen Rymbui ha ka jingdon lang u Chief Secretary ka jyllau bah DP Wahlang kila leit ban jurip ia ka skul Pine Mount kaba la wanrah ia ka jingbud nam ha kine ki khyndiat bnai kiba la dep.
Haba kren ha ki lat pathai khubor ha kane ka jingleit jurip ia katei ka skul kaba paw bha jong ka sorkar jylla, u myntri rangbah u la ong a kila don katto katne ki jingjia kiba la jia ha kane ka skul kaba paw jong ka jylla.
Ha kine ki khyndiat por kiba la leit ki don shibun kiei kiei kiba la jia, kumta ka long kaba don kam ban wan jurip, haba iohi hi da lade kan don ka jingsngewthuh kaba kham bha dei na kane ka daw la shim ia kane ka rai ban wan jurip ia kane ka skul ha ka jingdon lang u myntri ka tnad pule puthi ha ka jingdon lang u Chief Secretary.
Ha kane ka jingwan jurip la shem ba ka don shisha kata ka jingbym biang kaba ki khynnah skul ki don kam kum ki pankhana ha kaba la shim ia rai ban phah maramot noh mardor ia kaei kaba ei ban leh bad kiwei ki jingdon kam kiba hap ban pynbha.
Ha ka juhka por la iohi ba ka hostel kam long kaba itynnad bad don kam ban leh shibun ki jingpynbha ha kane ka hostel la rai ban pynkynriah ia ki khynnah tang ba kan long hapoh ka phyllaw jong kane ka skul ban pynbha ia ka kumba la dep ban mang tyngka.
Kane ka shim por khyndiat ha kaba khot ia ka tender, hynrei na ka liang jong u myntri rangbah ka jylla u la dep ban kren ia u myntri PWD ba dei peit ia ka tnad sha iing ba dei ban pynkloi noh ban khot tender bad ha shuwa ban sdang skul ha u snem ban wan ba ka jingsdang trei ia ka hostel kan sdang noh.
Haba ia dei bad ka Auditorium la ong ba haduh mynta khlem pyndon kam, na ka liang ka sorkar kan phah pynbha ia ka bad ym lah ban pyndon kam ia ka ha ki por ban wan bad ia ki madan ruh kin ia peit ban dup lah ban pynbha.
Haba ia dei bad ki nongtrei kiba dang don kam shuh ban thung ka ka sorkar kan sa dang peit bniah ia kine ki jingdon kam, kane ka jingwan ka long ban iohi ia kaei kaba long ba man ha kane ka skul halor ki jingpynpaw jong ki ba bun na ki paidbah, ki nonghikai bad ki kynnah skul ba rim.
U Myntri rangbah la ong ba ka jingwan jong u sha kane ka skul kam dei ban ia wat dong ne iathew iano iano hynrei kaei kaba kwah bna long ban sngewthuh da lade ia kane ka skul kumno ka long khnang ba ka sorkar kan lah ban leh kano kano ka kam ban pynbha ia ka la long u myntri rangbah ka jylla u Conrad K Sangma.
