Leit jurip u Mytnri Rangbah  ia ki kor Oxygen bala pyndait ha ki Hospital ha Shillong

Shillong, Jymmang 25: U Myntri Rangbah ka jylla u Cornad K Sangma mynta ka sngi u la leit ban jurip ia ki ar tylli ki Hospital ha kane ka nongbah Shillong, ka Ganesh Das Hospital bad Reid Provincial Chest Hospital kaba dang pyndait ia ki kor Oxygen ha kitei ki Hospital.

Ha kane ka jingleit jurip na ka liang jong u myntri rangbah ka jylla u la pynpaw ia ka sngew hun ka jong u ban iohi ba ka jingtrei ka iaid sted sha khmat ha kaba ia dei bad ka jingpyndait ia kine ki kor pynmih oxygen ha kine ki Hopsital Sorkar ia kiba la bei pisa lungba ka Prime Minister’s Citizen Assistance and Relief in Emergency Situations (PM CARES) Fund.

Ka kor Oxygen kaba dei ha poh Ganesh Das Hospital ka dei kaba 400 LPM bad ka lah ban ai ka jingkyrshan haduh 40 tylli ki jingthiah bad ka kor oxygen kaba la pyndait ha RP Chest Hopsital ka dei kaba 300 LPM kaba lah ban ai jingkyrshan na ka bynta 30 tylli ki jingthiah.

Ha kane ka jingleit jurip u myntri rangbah ka jylla u ngeit skhem ba ia kine ki jaka pynmih oxygen ha kine ar tylli ki Hospital kiba don ha kane ka nongbah Shillong la ong, kaba ha Ganesh Das Hospital la pyntrei kam bad ia kaba ha RP Chest Hospital hapoh ar sngi la lah ban pyntrei kam.

U Myntri Rangbah  u la ong ba ka jingpyntrei ban pyndait ia ki kor ban pynmih Oxygen ha kylleng ki jaka sumar jong ka sorkar hapoh ka jylla kila dang iaid sha khmat bad yn lah ban pyndep ia ki ha ka por kaba biang. Ha kane ka jingleit u myntri rangbah u la ia kren bad ki doktor kiba  peit ia ki Hospital bad ka jingdon kam ia ki nongtrei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet