Shillong, Jylliew 22: Ka seng Hynñiewtrep National Youth Front ha ka step jong ka 22 tarik jylliew 2023 ka la leit ban phah khang ia ki bank ha Motphran ter shaduh Police Bzar, mawlai bad kylleng ka nongbah, ki ba long trei mynta ka sngi,.
Kane ka jingleit khang ka long ba kitei ki bank kim shym la burom satia ia ka sngi kyrpang u Thomas Jones u ba wan n shilliang duriaw sha rikhasi, ha kaba ka ri khasi ka burom bad tip ia u kum u kpa jong ka thoh ka tar khasi, ba dei lyngba jong u, ba u la pynioh ia ki dak thoh jong ka ktien khasi. Namar ka jinglah jong u ban pynioh ia ki dak thoh alphabet ka ktien khasi.
Haba iakren bad ki lad pathai khubor u bah Bless Dkhar President ka HNYF East Khasi Hills u la ong, Lada Ia burom ia ka sngi kyrpang u Mahatma Gandhi, kum ka jaitbynriew Hynñiewtrep ka donkam ba kan burom ia kane ka sngi kyrpang jong u Thomas Jones.
Shuh shuh u la kynthoh ia ki nongialam bad halor ka jingdawa ban ioh pynrung noh ia ka ktien khasi ha ka khyrnit ba phra ka riti synshar ka ri India, ha kaba u la ong, Lada ia ym burom ia kane ka sngi u Thomas Jones kan myntoi aiu ban ia dawa ban pynrung ia ktien khasi ha ka khyrnit ba phra ka riti synshar ka ri India, haba ia ka sngi kyrpang jong ka jaitbyndriew khlem burom.
