Shillong Iaiong 03: u bah Roykupar Synrem general secretary jong ka HYC la ong ba ka sorkar Meghalaya kala ai ia ka Karuna Trust ban pyniaid ia ki katto katne ki PHC, kumba ia tip hapoh ri lum khasi bad Jaintia ki don khatwei tylli ki PHC kiba kane ka trust ka pyniaid.
Kane ka Trust ka thung ia ki Doktor, ki Nurse, ki ANM bad GNM bad kiwei kiwei ki nongtrei lyngba ka jingiateh kular bad ka sorkar bad ka jinglut ka wan na ka sorkar bad ka kam jong ka ka long ba kan pyniaid ia ki PHC, hynrei kaba sngewsih ka long ba ka seng HYC kala ioh jingtip ba ka Trust kala beh kam kumba arphew hynniew ngut ngut ei ei ki briew.
Kine ki khatlai ngut ki dei ki khasi pnar, ki don kiba la rangbah ki don kiba dang samla, ki don ki ANM kiba la trei ar snem haduh khatsaw snem kynsan kynsan ka phah ia ki shithi weng kam ia ki bad ka ong ba naduh ka 1st Iaiong 2023 kim lah shuh bn trei hapoh ki PHC kiba pyniaid da ka tei ka Trust.
U Bah Synrem la ong ba ha ka jingshisha ka jingbeh kam ia ki kala long naduh u bnai bala dep hynrei namar ka don ka jingpan ia ki kot ki sla ba kala don ne em ia k jingbtah na ka sorkar ban weng ia kine ki nongtrei kiba dei ki nongtrei namar kiba shah weng ki don 27 ngut, haba ki wat jingtip la ong ba kam don kaba kum katta.
Katkum ka shithi kaba la wan na ka sorkar 31/Lber/ 2023 kaba la bthah ban shim ia kano kano ka rai, hynrei la sngewthuh ba katkum ki shithi weng kam kaba la ai ka long ba kin sangeh noh na ka jingwan trei na kitei ki PHC, ka daw kaba ki ai ka long ba kim shym la lah ban wanrah ia ka syrnot ba kila register ia lade sha ka Nursing Council.
Na ka liang jong ka seng ka sngewthuh ba kum ki nurse ki don kam ban register bad kano kano ka nursing council la ka dei jong ka jylla Meghalaya ne na kano kano ka jaka , hynrei ha ka por ba ka Karuna Trust ka khot ia ki ban trei kum ki ANM ha ka por ba ki leit ban interbiew kim shym la pan ia kita ki syrnot, hynrei kyndit na ka kam ka long kaba ym lah ban pdiang.
Ha ka jingshisha kila dei ban ai por bad ka por kaba biang, kamd ei ruh shibnai ar bnai namar ban register ka shimpor la kumno kumno shisnem tam, ka Karuna kala dei ban ai lad ia ki,hynrei kane ka jingleh kan ktah ia ki bad kane kan ktah ia ka ioh ka kot jong ki kum ka iing ka sem.
Haba ka seng ka wan ban ia kynduh ia ki briew jong ka Karuna Trust la shem ba ki don tang ki nongtrei ki briew kiba lah ban shim ia ka rai kaba, hynrei kiba bun ki pyniaid na Guwahati bad Bangalore, haba ki poi ki lap b don tang u wei u nongtrei kila shu ong ia u ba un mih bad kila khang tala bad kane kan long haduh ba ki nongpyniaid kin da wan ban ia kynduh.
Na ka liang jong ka Karuna ka lada ka weng kam kyrkieh ka seng HYC ruh ka wan kyrkieh, ka seng ka long kaba la kloi ban ia kren ban ia pynbeit, ka seng kan dang bteng ia kane ka jingkhang tala haduh ban da ia pynbeit, kane ka jing beh kam kala ktah ia ki 27 tyllli ki long iing, ka sorkar ka siew ia ki da ki klur hynrei lada ka leh kumne ka seng kandang iai bteng ban bud dien ia ka jingtrei kam jong ki.
