Shillong, Naiwieng 22: Ka NEHUSU mynta ka sngi hadien ka jingioh ia ka jingujor na kawei ka samla bad kum juh halor ka jingjia ia kawei ka samla ia ba dei ban leit ban ia don bynta kum nongmih khamt ia ka NEHU ha ka inter university Football ka ban long ha Sambalpur University, Odisha ha ka ba ki la dei ban mihnang ne Shillong ha ka 23 tarik mynta u bnai ha ryng kat bad u Asst Director jong ka sports NEHU u Nantu Das .
La kynnoh ba la shah jrong kti jong kane ka samla na ka liang ka NEHUSU ka leit ban khang tala ia ka jaka trei kam jong u Nantu Das bad kumjuh ruh ban leit ban dawa na u VC ka NEEHU ba udei ban wengkam noh ia u ne u N. Das na ka kamba u bat.
Ha kane ka jingiakynduh na ka liang u VC u la pan por hapoh lai sngi ba un shim ia ka rai ha kaba ia dei bad kane ka jingjia u la kular ruh ban leh da ka batyngeh la da kane ka jingkynnoh ka long ka bashi sha.
Ha kane ka jingleit ban khang ia ka ophis jong u N. Das la wa ban ia shim bynta da ki khynnah kum shibynta ban kyrshan ia kane ka samla kaba la mat ia kum kane ka jingjia ha katei ka skul bah.
Ha ba iakren bad ki nongialam jong ka NEHUSU u samla Easter Sohtun Vice President ka seng la pynpawba ha dien ka jingmih sha khmat jong katei ka samla kila don shuhsuh ki wei pat ki samla ki ba pule ha poh NEHU ki bymkwah ban pynpaw kyrteng ia la de ki la mad ia kane ka kajuh ka jingjia kumba jia ia katei ka samla.
Na ka liang ka NEHUSU ka la ban jur ia VC ba u dei ban wengkam shisyndon ia une u Nantu Das napoh ka University khnang ba kum kine ki jingjia kin yn jia shuh nang ne sha khmat. Ki nongia lam ka NEHUSU ki la ban jurruh ba u VC u dei ban peit bniah ba ka NEHU ka dei ban don ia ka jingshongshngain na ka bynta ki khynnah ki ba wan pule.
