Shillong, Lber 17: Mynta ka sngi u wei u dkhot jong ka seng HNLA u ba dei na ka kynhun jong u snem 2003 u bah Elvis Syiemlieh ia u ba la juh sien kyrteng ia u da u Bah Lungiut na ka shnong Pyndengsohsaw kaba hap hapoh jong ka Mawsynram Police Station mynta ka sngi u la leit ban pyndem ia lade ha khmat jong u Superintendent ki pulit jong ka East Khasi Hills District, Shillong.
U heh duh jong ki pulit jong ka East Khasi Hills u la iathuh ba u Bah Elvis u la wan phet dangshen na Bangladesh bad mynta ka sngi u la wan ban pyndem ia lade ha khmat jong ka ain.
Na ka liang jong u Superintendent ki pulit jong ka East Khasi Hills u Bah M Kharkrang u la ong ba u Bah Elvis ym shym la wanrah kano kano ka tiar ialeh hynrei u la wan ban pyndem tang ia lade.(SP News)
