Shillong, Iaiong 08: Mynta ka jan miet katba ka kyrtong jong ka NPP ban ia khun ia ka MP elekshon 2024 sha Lok Sabha ka Dr Ampareen Lyngdoh ka dang kren ban ialap elekshon ha Umsning kila don ki kynhun ban pyrta ha u Prah.
Na ka liang jong ka kyrtong NPP kala kyntu ia kito kiba pyrta prah ba kin leit noh sha la iing ba ioh mih ka jingiamynsaw, ha kane ka jingialap elekshon ka kyrtong ka NPP kala kynnoh ba kane ka party prah VPP ka dei ka party bym don nongrim.
Ha kane ka jingialap elekshon jong ka NPP namar ka jingpyrta Prah shi prah katba ki nongilam ka NPP ki dang kala pynbitar ia ki nong kyrshan ka NPP namar kane ka jingleh jong kiba pyrta prah kala pynthud.
Ha ka jingkren u bah Pyniaid sing Syiem ba dei ruh u CEM jong ka KHADC u la ong ba ki pulit ki dei ban leh ei ei ia kito kiba pyrta prah bad u la ong ba shei kita ki briew jong ka tnad elekshon ban kin peit ia kane ka jingjia.
Na ka liang jong ki pulit jong ka Umsning kiba don ha katei ka jaka kila wan sha khmat ban tem ia kane ka jingiakyndad ha pdeng kine ki ar tylli ki party bad ki pulit kila rah ia ki kato katne ngut ki briew na katei ka jaka bad kane ka jingjia kala saphriang bha ha ki social Media mynta ka miet.
