Shilong, Iaiong 22: Mynta ka sngi u Arch Bishop jong ka jylla niam bah Shillong u Rev Victor Lyngdoh DD lem bad ki lyngdoh kila leit ban ai Tika ha Nazareth Hospital Shillong ban iada na kane ka jingpang COVID-19.
Na ka liang jong u Arch Bishop ha dien bala dep ban ai Tika u la kyntu ia ki paidbah ba kin wan sha khmat ha kaba shim ia kane ka Tika ban iada ia la de na kane ka jingpang COVID-19 bad ha ka juh ka por ban iada na kiba ha iing ha sem.
La kyntu ia ki paidbah ba kim dei ban ngeit klumar ia ki khubor hamsaia ha kaba ia dei bad kane ka jingai Tika ka long ba da ki phew hajar ngut ki briew kila ai Tika hynrei kam don jingktah ei ei.
Ha kane ka sngi ha ka jingleit ai Tika la don lang ruh u Fr. Rev Richard Majaw, Fr. Rev Pious Shadap bad u Fr. Rev Julius Kurbah kiba la leit ban ai Tika lang ha kane ka juh ka sngi.
