SHILLONG,Lber 20: U Bah Armerington Kharshiing u Kyrtong jong ka Aam Aadmi Party (AAP) mynta ka sngi ula leit thep kyrteng na ka bynta ban ia ai reng ha kane ka ilekshon MP ha ophis jong u ka ban sa long ha u bnai ban wan
Haba ia kren bad ki nong thoh khubor u Bah Armerington Kharshiing ula ong, ba ka jingthmu ba kongsan jong ka AAP ka long ban trei ryngkat ba ka jingdonkam jong u paidbah lyngba ka jingai jingmut jong ki kum la dep pynpaw ha ki kot khubor,kumba ka long ba ka AAP kam ai ia kano kano ka jingkular hynrei lyngba ka jingia trei lang bad ki paidbah kin sa lah ban wanrah ia ka thong sha ka jingjop khamtam eh ha ka ba ia dei ba ki kam bamsap kiba long ki mawjynthud ia ka roi ka par ha ka jylla bad ha ka ri baroh kawei.
Shuh shuh na ka liang jong u Bah Armerington ula buh ia ka jingkyrpad ia ki paidbah,kumba ki paidbah baroh ki tip ba ka AAP ka dei ka party u riewpaidbah ban na ka liang jong ka party kim lah ban pyntyllun ia kano kano ka kam khlem ka pisa.
Kumta na ka liang jong u kyrtong u buh ka jingkyrpad ia ki paidbah ba ki noh synniang ia ka party ynda ka la wan ha ka bor synshar kan wanrah ia ka jingmyntoi ki paidbah hi.(SP News)
