Shillong, Jymmang 16: Mynta ka sngi myntri rangbah ka jylla u Conrad K Sangma u la lum ia ka jingialang jong ka “Climate Change Council” ha nongbah Shillong ban peit ia ki skhim kiba ka sorkar kala pyntrei na ki tnad sorkar bapher bapher ban pynneh ia ka mariang.
Ha kane ka jingialang la ia kren halor ka jingiatrei lang ha pdeng ki tnad sorkar bad ki riew paidbah kiba don bynta ban pynneh pynnsah ia ka mariang namar kane ka jingkylla ka suin bneng.
Ha kane ka jingialang la ia kren bniah ia ki lat ki lynti kiba ka sorkar kala shym lyngba ki skhim bapher bapher kumno ban pynkhuid ia ki tyllong um ban pynneh pynsah ia ki bad ia ki jaka ba don ki tyllong ban pynneh pynsah ia ka jingdon ka mariang.
Ha kane ka sngi la don langu myntri ka tnad sam um u Marcuise Marak, mynta ka tnad ka koit ka khiah, ka tnad rep ka Dr. Ampareen Lyngdoh, myntri ba dei peit kam bor ding u A T Mondal, bad u myntri ba dei peit ia ka tnad ia trielang u bah Coming One Ymbon, bad ki heh sorkar.
U myntri rangbah ka jylla u la ong ban ia da na ka jingkylla ka suin bneng don kam ia ka jingiatreilang na baroh ki liang bad kata ka long ban pynneh pynsah ia ka mariang bad kaba kongsan ka long ban thung dieng ban pynwan ia ka jylla Meghalaya kaba bit ba biang bad na ka liang ka sorkar kala shim bun ki lat lynti ban ia da ia ka mariang.
