Shillong, Naiwieng 9: Mynta ka sngi u lamphang jong ka Meghalaya Legislative Assembly Committee on Environment u bah Syntar Klas Sunn u la wanrah ia ka kaiphot hapoh ka iing dorbar ha kaba ia dei bad ka jingleit jong kane ka committee ban jurip ha katei ka tain Wahkjai ha kaba ia dei bad ka ration jong u Uranium.
Katkum ka kaiphot kaba la wanrah mynta ka sngi hapoh iing dorbar, na ka liang jong ka Committee kala kala ai jingmut sha ka sorkar ba kan buhnoh ia ka ktem pulit ha katei ka thain da kaba buh noh ia ka police outpost ha Wahkaji.
Na ka liang jong ka Committee kala ai jingmut ruh sha ka sorkar lyngba kane ka kaiphot ba ka sorkar ka dei ban thung ia ka kynhun laitluid ne kano kano ka kynhun ba tbit ba kan jurip ia ka jingdon ka radiation ha katei ka jaka ba don Uranium bad lada leh ia kane don kam ban shim ia ka jingshaniah jong ki paidbah katei ka thain.
Haba ia dei bad ka koit ka khiah la ai jingmut ia ka tnad ka koit ka khiah ba kan jurip ha katei ka thain bad na ka liang jong ka tnad ka koit ka khiah ka dei ban ai ia ka kaipphot sha ka committee jong ka Assembly.
What la ka AMD kala sangeh ia ki kam jong ka ha katei ka thian ha dien ba ka sorkar ka la dep ban weng ia ka jingai jingbit ban tih uranium sha ka UCIL bad na ka liang jong ka MSPCB kam pat ai ia ka jingbit ban sdang ia ka kam, haba ia dei bad kane don kam ban peit bniah ha kaba ia dei bad ka jingkiew ka Radiation ha ki shnong kiba don sawdong ka Domiasiat ia kaba lah ban leh da ka MSPCB bad ka CPCB.
Ha kane ka jingleit nalot ki dkhot jong ka Committee kaba kyntup ia u bah Himalaya Shangpliang, bah George B Lyngdoh, bah Kimfa S Marbaniang, U Rakkam A Sangma, u bah Pious Marwein bad u bah Garland Star Swett u dkhot ba la pynlong, nalor kine kila don ruh ki briew sorkar na ka tnad khlaw, ka tnad ba dei peit ia ki kam marpoh khyndew, ka MSPCB, ka CPCB, na ka tnad khlaw jong ka sorkar pdeng bad na ka ophis jong ka AMD kaba don ha Shillong.
Ha ka jingleit jong ka Committee sha katei ka thain kila ia kynduh ia u Syiem jong ka Hima Langrim, ki trai jaka bad ki nongshong shnong kiba don sawdong jong katei ka thain bad ia ka jingialang la pynlong ha Wahkaji ia kaba la pyniaid da ka DC.
