Shillong, Naitung 22: U bah Donbok Dkhar president jong ka seng HITO u la ong ba ba mynta ka sngi kila leit ban ai ia ka dorkhas sha u myntri ba dei peit ia ka tnad ka koit ka khiah u bah Alexander Laloo Hek na ka party BJP ban phah ia ka dorkhas sha u myntri kam poh iing ka Ri India u Amit Shah ha ka jingwan jong u sha Shillong.
Ha kane ka jingiakydnuh bad u myntri ka tnad ka koit ka khiah na ka liang jong ka seng HITO kala pynsngew ha u myntri ba kum ka dak jong ka jingdawa ban pynrung ia ka ktien khasi ha khyrngit kaba phra ka seng kala bhah da ka Khasi ha ka dorkhas sha u myntri kam poh iing ka sorkar pdeng.
Ki mat kiba ka seng HITO kala buh ha ka dorkhas kala kdew ba kala don ka jingiakynduh bun sien ha pdeng ki myntri rangbah jong ki ar tylli ki jylla, Assam bad Meghalaya bad ha ka kyrdan jong ki ophisar hynrei kam shym la poi shaei shaei ruh, la kyrpad ia u myntri kam poh iing ba u shim khia ia kane.
Ban wanrah ia ka suk ka sian ha ka jylla ka seng HITO lyngba kane ka dorkhas kala kyntu ia u myntri sorkar pdeng ban khot ia ka seng lehnoh HNLC sha ka miej jingiakren ia suk namar kumba ki paw na ki lat pathai khubor katei ka seng lehnoh ka kwah ban ia kren poi sha ka jingiakren ia suk.
Ha kane ka dorkhas ka seng HITO kala kdew ruh ia ka rukom synshar hapdeng ki Khasi bad ki garo bad ki kdew ruh ia ka Annexed Agreement na ki syiem khasi kila ia the bad ka sorkar pdeng. Ka seng kala dawa ruh ba la don kam ban don noh la ka jong ka kynhun IAS bad IPS.
Ha kane ka jingiakynduh na ka liang jong ka HITO kala kyrpad ia u bah Hek ba un ia kren lem bad u Amit Shah ba buh ia ka por ba yn ia kynduh ia baroh ki seng bhalang ha kane ka jingwan jong u sha Shillong, la ong u bah Dobok Dkhar president ka seng HITO.
