Shillong, Iaiong 01: U Deputy Commissioner jong ka Eastern West Khasi Hills District u bah G Kharmawphlang la iathuh ba ha ka jingshah lynshop jong ka mariang ha ka miet sngi u blei hapoh jong ka District wei khynnah ba dang ar snem ka rata na ka shnong Lawlynter la khlad bad kane ka shnong ka dei kaba la shah pynjulor palat.
Haba kren ha u SP News Agency na ka liang jong u Deputy Commissioner u la iathuh ba la juh ia ka jaka sah ba shipor jong ki briew kiba la shah ktah na kane ka jinglynshop ka mariang hapoh ka shnong Lawlynter na kabyta kiba la shah ktah ha ka mariang na ka jinglynshop ka eriong.
Ki shnong kiba la shah ktah ha kane ka jinglynshop ka mariang baroh ki don 38 tylli ei ei na ki ar tylli ki Block ka Mairang bad ka Mawthadraishan Block, ki iing kiba la shah pynjulor haduh ba kin don duh lut ki long 279 tylli kiba dang shu sha pynjot malu mala ki don 400 tylli baroh ki long 679 tylli kiba la ioh jingkhein.
U Deputy Commissioner laiathuh ba ia kito kiba la mynsaw jur la pynkit sha NEIGRIHMS bad ia kiweila sumar hapoh Tirot Sing Memorial Hospital ha Mairang, la iathuh ba kat haduh mynta ka jan miet ruh ki jingkhein ki dang wan poi hapoh ka ophis haduh mynta ka jan miet.
Na ka liang jong u DC la iathuh ba ka jingjulor ka long kaba la ktah ruh ia ka mariang namar ki dieng ha ki lum ki wah kila shah ktah bad kdiah na ka daw jong ka jingshah lynshop ha ka mariang ha ka meit sngi u blei.
