Tura, Rymphang 28: ka seng lehnoh Garo National Liberation Army (GNLA) mynta ka sngi ha ka jingpynlait khubor da u Commander-In-Chief u Sohan D Shira u la ong ba ka seng GNLA ka maham tyngeh ia baroh kito kiba pyndon kam ia ka kyrteng jong ka seng ban dawa pisa na ki paidbah.
Kane ka jingmaham ka mih ha dien ba kawei ka long kmie kala kaba trei hapoh jong ka Tura Municipal Board kala shah dawa pisa ha ka kyrteng jong ka seng GNLA. U tei u nongialam jong ka seng GNLA u la ong ba ka seng ka dang wad mynta ia ki briew bal eh ia kane ka kam bad ban pynshitom katkum ki kyndon trei kam jong ka seng.
U tei u C-In-C jong ka seng GNLA u la ong ba ka seng kam shym la dawa pisa na katei ka long kmie, halor kane ka jingjia na ka liang jong ka seng GNLA la bthah ia baroh ki area commander ba kin peitngor ba lada lap ia ki briew kiba shim ia ka kyrteng jong ka seng GNLA na ka bynta ka jingmyntoi jong ki shimet ka seng kan nym map ia ki kam pynshitom.
La ong ban a ka liang jong kane ka seng lehnoh ha ka jingpynlait khubor mynta ka sngi la ong ba kala ioh shibun ki jingtip ba ki don ki briew kiba la dawa pisa na ka kyrteng jong ka seng bad la ong ba ka seng ka la rai ban pynduh jaid ia kum kito ki briew kiba la pynthohbria ia ka seng.(SP News)
