Maham ka KSU ia ki ophisar ba leit trei shisien shitaiew hapoh jong ka SWKH District  

Shillong, Jylliew 30: Hadien shibun ki jingud jingnam jong u paitbah ka dong ka thain hakaba iadei bad ka jingbymlong ryntih jong ki shakri sorkar ban pyndep iala ki kamram bala bynshet, Ka KSU Mawkyrwat Circle ka maham tyngeh iaki nongtrei sorkar khamtam eh iaki  ophisar sorkar jong ki department bapher bapher kiba don hapoh ka District Headguarter  kiba ju shim kabu ban wan trei tang lai sien haka shitaiew.

Kane kala buh jingeh shibun iaki paitbah kiba wan na kiwei pat ki jaka ba jngai ban pyndep kam haka por ba biang bad kane ka jingbym wan tista bad bym biang por bunsien ka pynduh mynsiem noh iaki paitbah kiba ju iai ap khmih lynti ban ioh ki lad jingiarap na ki.

Kane ka pynpaw iaka jingdon iaki ophisar kiba khlem da pyrkhat naka bynta u kup shiliang,u sem shiliang bad kum ka seng kaba don iala ka jingkitkhlieh naka bynta ka roi ka par jong ka dong ka thain kaba dang donkam shibun ki lad jingiarap ka kyntu ba ki dei ban pyndep hok iala ki kamram bala bynshet haki ban pyndep khnang ba kan long ka jingkyrkhu iaki paitbah ka dong ka thain baroh kawei.

Ka Union sa shisien pat ka pynpaw iaka jingsngew diaw halor ka jingpynkynriah kam khah khah iaki ophisar kiba don hapoh ka District lada khlem ki daw kiba biang haba khlem da pat kut ka por tang naki daw jong ki katto katne ki khwan myntoi shimet kiba long ki kruin bam duh ba pynthut iaka roi ka par hapoh ka dong ka thain.

Kane kalong kawei ka bynta kaba ktah iaka  jingroi sted jong ki kam pynroi hapoh ka district hynrei lada kane ka jingpynkynriah kam khlem pat dei ka por kan dang iaid nangne shakhmat ka seng kan shim daki lad kiba tyngeh bad ban sei madan beit ia ki kyrteng jong ki lada ka seng ka lap ia kino kino ki bor ki ba donkti ban pynkynriah kam jubor ia ki  ophisar.

ka seng kam lah ban khlem da ai khublei  naka bynta kito ki ophisar kiba la trei shitom bad trei hok iala ki jong ki kamram bala bynshet haki, bad ngi ai ruh ka jing kyrshan kaba pura ia phi ba phin pyndonkam hok ia kabor  kaba la pynkup haphi ban trei laitluid naka bynta ka jing myntoi ka dong ka thain bad ka district hi baroh kawei khlem jing niew shiliang la  ia u rit ne khraw.

Ka seng ka pan iaka jingiatrei lang jong baroh ki nongshong shnong jong ka South west khasi hill District naka bynta ka roi ka par solansar. Kane ka long katkum ka kyrwoh kaba la phah da u samla Iengskhem syiemlieh Chairman Employment bad  Development cell KSU Mawkyrwat circle.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet