Maham ka SDDF ia ki seng sainhima ban nym ialam bakla ha ka jingdawa Distict

Shillong, Kyllalyngkot 22: Ka Sohra District Demand Forum (SDDF) lyngba kane ka jingpathai khubor ka pynpaw ia ka jingsngewdiaw kaba khraw halor ka jingpynslem jong ka Sorkar MDA hapoh ka jingialam u myntri rangbah u  Conrad K. Sangma ban pynbna ia ka jingkyntiew kyrdan ia ka Sohra Civil Sub-Division sha ka Distrik ba pura.

Ka SDDF ka la dep iakynduh ia u myntri rangbah ha ka ka 26 tarik Risaw (October), 2022 ha kaba u la kular ban khmih bniah ia kane ka jingdawa jong ki paidbah ka thain Sohra baroh kawei.

Ha ka taiew kaba nyngkong jong u Kyllalyngkot , 2023 u myntri rangbah u la phah khubor lyngba u dkhot ka SDDF u Bah Alan West Kharkongor ba u kwah ban iakynduh ia ki dkhot ka Forum ha ka 5 tarik Kyllalyngkot  2023 ban pynbna noh ia ka Sohra Civil Sub-Division kum ka Distrik ba pura.

Ka Forum da ka jingkmen wut wut ka la lum ia ki khlieh nongsynshar bad ki Rangbah Shnong jong ka thain ban pyntip ia kane ka khubor bakmen.  Phewse ha ka jingiakynduh kaba la long ha ka 5 tarik Kyllalyngkot , 2023.

Kane ka jingiakynduh kala long  ha Sohra Circuit House, u myntri rangbah u la pynjew slew ia ki dkhot ka Forum bad ia ki khlieh nongsynshar da kaba u shu kular ban sa ai District bad ba ka Sohra kan dei ka headquarter. Lano kata kan urlong, um shym la jubab ne kren thikna.

Kane ka jingkular u myntri rangbah ha ka jingialang kam shym iahab satia katkum ka jingphah khubor jongu sha ka Forum ban pynbna District noh ia ka Sohra Civil Sub-Division. Ka shu long pynban tang ka jingkular lehse tang namar ba ka Assembly Election ka la jan.

Namar ba ki la don ki khubor ka khlieng ka tyngab kiba ialam bakla, kumta ka SDDF ka pynpaw shai kdar lyngba kane ka pathai khubor ba haduh mynta ka Sohra Civil Sub-Division kam pat kiew kyrdan District satia. Ka SDDF kan iai bteng ia kane ka jingdawa haduh ba kan da urlong.

Ngi kyntu ruh ia ki seng sainhima sima ba kim dei ban ialam bakla ia u paidbah ka thain Sohra halor kane ka kam tang ban ioh jingmyntoi election. La ong bau bah Atiar Syiemlieh lamphang ka Sohra District Demand Forum.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet