Shillong, Lber,17: Ka seng FKJGP Mawthadraishan Circle ka ai da ka ka jingmaham kaba tyngeh ia ki khynthei khasi kiba sah ha kane ka thain bad kin ia juh ia jan bad ki briew ba nabar jylla kiba wan ban trei ia ka Surok Compeni kaba na Nongstion sha tura bad ka jaka shong jaka sah jong kine ki briew ki ba na bar ka dei ha Kynshi.
U bah Shembor Langrin u ba long u General Secretary jong ka Mawthdaraishan Circle haba kren ha ki lad pathai khubor u la ong “lyngba ka jngpyntrei ka kompeni iakane ka surok la iohi ba ki khynthei khasi kiba ha kane ka thain kila sdang ban ia juh ia jan bha bad bad kine ki briew kiba na bar kane ka long ka ei ka ei kaba sngewsih ba ki khynthei khasi ha kane ka thain kin leh kumne.
“Kum ka seng ka sngew khia jur haba ki iohi ba ka long kumne bad kam long ka ei kaei kaba sngew tynnad ba ki khynthei khasi kin don ka jingiadei kaba jan hapdeng jong ki khamtam bad ki briew kiba nabar kane ka ktah shibun eh ia ka jaitbynriew ong u bah Langrin”.
U tei u nongialam jong ka seng FKJGP, u la ong “ki seng khynthei bad ki paidbah jong kane ka thain hi baroh ka wei ki sngewkhia ha kaba ia dei bad kane ka jingleh jong ki khynthei khasi namar kane ka ap ia ka jingma ha kane ka thain”.
Ka Seng ka da maham tyngeh ba ym bit bad ym shah nangne shakhmat ia ki khynthei khasi kiba nangne kin dang ia jan bad kine ki briew ki ba nabar bad lada kin lap nangne shakhmat ka seng kan sa leh ia kaba don kam.(SP News)
