Shillong, Jylliew 11: Ka jingdon ka jaka test snam hapoh Civil Hospital Shillong kala iarap shibun ia ki paidbah kiba don kam ban test snam katkum ka jingphah ki doktor na ki jaka ai jingsumar jong ka sorkar ha kane ka nongbah Shillong namar kala shim ha ka dor kaba duna dor.
Ka jingkylli kaba la mih n ki paidbah ka long balei ka Civil Hospital Shillong pat kam ai risit haba ki siew ia ka bai test snem, ka dor bai test snem ka iapher na kawei ka jingtest sha kawei pat katkum ka jingshitom bad ka dor kaba ki shim ruh ka iapher na kawei ka rukom test, hynrei ia ka pisa bala siew kam ai Risit.
Ka dei ka jingshisha ba ka jingtest snam ha katei ka jaka jong ka sorkar ka iapher da ki spah tyngka bad kaba phah sha bar kiba dei jong ki riew shimet, kaei kaba ki paidbah ki kwah ban pynsngew ka long ba lada kim ai risit ruh kila dei ban wah ia ka dor ha khmat ka jaka siew pisa hapoh Civil Hospital.
Haba u SP News Agency u la ioh ia kane ka jingtip la leit sha katei ka jaka ban peit la katei ka jingkynnoh ka dei kaba shisha ne em, la shem ba haba kiba siew ia ka bai test snem kam kim ai risit ban ia kaei kaba la siew da kiba don kam ia kane ka jingtest snam kumba la phah da ki doktor.
Ka jingbum tip ia ka dor don na pdeng kiba la ieng ha u lain hynrei namar kim dap pisa kumba dei ban siew kila la don kam ia ka jingtest snem ki hap ban phai biang namar kim don ia ka pisa kaba ki dei ban siew namar kim tip katno ka dor namar ym shym la wah ia ki dor bai test snem.
Na ka liang ki paidbah ki kwah ba ka Civil Hospital Shillong ka dei ban wah ia dor khnang ba ki pidbah kiba don kam ban phah test snem kim tip lypa ia ka dor khnang ban nym lut kai ka por haba ieng lain.
