Shillong,Lber 22: Mynta ka sngi ka kong Iborina Shylla kala leit banthep ia ka nomination jong ka ban ia khun ia kane ka MP Election na ka 1-Shillong LS kum ka kyrtong shimet.
Ka kong Iborina hadien ba la dep thep ia ka nomination haba kren ha ki nongthoh khubor “ka la ong kaba la pynlong ia nga ban ngan shim ia kane ka bynta ka long ba nga iohi ba ym don ki khynthei na ka 1-shillong L S ki ban long ki nong mih khmat sha Lok Sabha kumta mynta ka kynti nga la rai ban ia aireng la ka long kumno kumno bad ban shim ia kane ka bynta”.
“Nga kwah ruh ban kyntiew kham sha jrong ia ki khun samla jong ka jaidbynriew,bun ki paibah ki shah leh bein bad shah iehbein kham tam ha ki thain nongkyndong namar ba ym don ba peit ia ki haba ki la dep ban jop ia ka election kane ka long ka ei ka ei ka ba sngewsih haba ka long kumne ”la ban biang ka kong Shylla.
Ka kong Shylla ka buh ia ka jingkylli mynta balei kine ki kyrtong kiba don ha kabor kim shym la leh ei ei? Haba peit kum ha West Khasi Hill District la iohi ba katno kane ka thain ka shah iehbein ba shah lehbein haduh katta katta nadong shadong namar ba ym don ba jngoh bad peit ia ka.
Ha kaba nyngkong nga la rai ba ngan ia khun na ka seng BJP hynrei nga iohi ba ki briew kiba don ha kane ka seng kim long kiba beit ryntih ha ka rukom trei kam kumta kane kala pynlong ia nga ba ngan ia aireng noh kum ka kyrtong shimet la pynkut ka kong iborina.(SP News)
