Jowai, Risaw 28: AI khublei kitbok kit rwiang ka Khasi Student’s Union Jaintia Hills district (KSU-JHD) ia ka Niaw Wasa Sport Club kaba lah leit ban pynkhreh ban iakhun ia ka Hero Futsal Championship Ka ban mihkhmat na Ka Jylla Meghalaya Jong ngi haka 5 Tarik Naiwieng 2021.
Kane ka dei kaba lah pynlong Da ka All India Football Federation India kaba lah pynlong ha ka sien ba nyngkong iaka Futsal tournament haka national level ka ban sdang naduh 5th haduh 13th Naiwieng 2021 ha nongbah New Delhi.
Ha kane ka lympung ialehkai yn wan iashim bynta haduh 16 tylli ki sport clubs ba lah kynthup ianga Niaw Wasa United Sports bad Cultural Club kaba na ka Jylla Meghalaya .
Ka Seng ka dap da mynsiem sngewsarong ba kane ka club kaba lah iai trei shitom ban poi haduh kane ka kyrdan ban mihkhmat ia ka Jylla baroh kawei haduh ha nongbah Delhi ka seng ka ai ka jingkitbok kitrwiang ba Kan nang iaid bad ban nang iai kiaw shaphrang.
Ka seng ka kyrpad ruh ia ki para ri Jong ka Jylla Meghalaya ba kin sngewbha ban iarap da kaba ai mynsiem bad ban pynnoh synniang sha ka katei ka club kaba lah pynkiew shisha ia ki Khun samla ha ki Kam sports.
Ka jingdon Jong kane ka sport club ka trei shitom shisha ban pynkiew iaka Kam sports hapoh kane ka Jylla Jong Nga ka long shisha la jingkyrkhu ia ka ri bad ka jaidbynriew .
ka jingkyrpad ia baroh ki nongshnong Shnong Jong ka Jylla ba kin sngewbha ban noh synniang Lem ia kane ka club ba Kan lah ban tyllun ha ki Kam ban pynbiang ia Kaei kaba ki player ki donkam naka bynta ka lawei ki samla Jong ngi. Ong u Samla Justice Paul Lyngdoh Education Secretary Jong ka KSU-JHD.
