Jowai, Risaw 03: Hapoh ka jylla, bunsien la shait iohi ba ki nongmihkhmat MLA bad MDC ki juh kam trai ia ka bhah jong u paidbah ha kaba ia dei bad ki skhim, da kaba kubur ba dei maki kiba la ai ia. Ia kane lah ban sakhi haki katto katne ki kali kit nongpang ki Ambulance lane ki kali Paidbah lane ha ki tiar ki tar kum ki shuki bad kiwei kiwei kiba la pynioh lyngba ki Scheme bapher bapher, kynthup iaka MLA Scheme.
kaba dei ka bhah jong u paidbah nongshong Shnong jong ka jylla. Hynrei ka ba sngew thamula pat ka long ba ha kum kine ki kali, ki Tiar ki tar la juh iohi ia ka jingthoh kaba la thoh “ la ai sngewbha da u ne ka ” bad na ka liang jong ka JSU ka sngew pyrshah haduh katta katta ia kane ka rukom thoh namar ym dei ba ki nongmihkhmat ki ai hi na ka pla jongki, hynrei lyngba ki Scheme kiba dei ka hok jong u paidbah hi, kynthoh ka JSU.
Kane ka rukom thoh ha kine ki jait kali ka pynsmgew thuh bakla bad pynkulmar jingmut iaki paidbah nongshong shnong namar kim sngewthuh la ka dei kaba la pynioh lyngba ka Scheme u Paidbah lane kaba la ai sngewbha shisha da ki nongmihkhmat na ka pla la jong.
Kumta, Ka Jaintia Students’ Union (JSU) haka jingpyllait khubor mynta ka sngi kala pynpaw iaka jingpyrshah pyrshah halor kane ka jingkam trai jongki katto katne ki nongmihkhmat iaka hok jongu paidbah, bad ka Union hi ka dawa ba baroh ki kali lane ki tiar ki tar ba la pynioh da ki nongmihkhmat lyngba ka Scheme, dei ban pyndamnoh shi syndon iaka jingthoh lane ka kyntien “ la noh syniang, ka jingaiburom, la ai sngewbha da u ne ka” bad haka jaka kane ka kyntien dei ban thoh pat tang iaka kynteng ka Scheme kum ka nuksa Under MLA Scheme . Bad lada dei pat ba ki ai naka pla lajong ki lah ban thoh katba ki mon.
Ka JSU ka ieng pyrshah ia kane, bad dawa ban pyndam noh shi syndon ia kine ki rukom thoh lym kumta ka JSU kan wad jingtip lyngba ka RTI khnang ban lap ia ka jingshisha ia kito kiba pyndonkam bakla iaka hok jongu paidbah. La ong u Bah C Passah cultural secretary jong ka JSU.
