Shillong, Naitung 23: Mynta ka sngi ka jingiakren ban ia pynbeit bud hapdeng u Myntri Rangbah ka jylla Meghalaya u Conrad K Sangma bad u Myntri Rangbah ka jylla Assam u Himanta Biswa Sarma ka jylla Assam kala long ha Meghalaya Secretariat, Shillong.
Haba kren ha ki lat pathai khubor ha dien ka jingiakren kaba la neh palat shikynta, u myntri rangbah ka jylla Assam u Himanta u la kren shai ba ki don 12 tylli ki jaka ba don ka jingiakam mar kylliang hapdeng ka jylla Meghalaya bad ka jylla Assam.
Ka phang jong ka jingiakren kan long halor ka nongrim ban ia shim ia ai kaba mar kylliang bad ban tehsong ia ka jingialong kawei ha pdeng ki jylla ka thain shatei lam mih ngi jong ka Ri India, kane ka dei ka phang pdeng jong ka jingiakren.
U Myntri rangba ka kylla Assam u la ong ba ka jylla Meghalaya kala ai ia ki sakhi satar ban pynshisa ia ka jingkam jong ka bad kum juh ka jylla Assam ruh kala ai ia ki sakhi sater ban pynshisha ia ka jingkam jong ki, dei halor kane ka nongrim ba la rai ba kin leit ban jngoh ia kine ki khatar tylli ki jaka ba don jingiakam kaba mar kylliang.
La ong ban ia pynbeit tang ha kawei ka jingiashong jingialang yn nym lah ban ia pynbeit hynrei kin ia pynbeit kawei ha dien kawei na kine ki 12 tylli ki jaka ba don ka jingiakren kaba mar kylliang da kaba kin leit sha kito ki jaka, kane ka jingiakren kaba mynta ka sngi ka long ba ki kwah ba dei ban pa pynbeit noh ia u pud u sam hapdeng kine ki ar tylli ki jylla.
Kane ka jingiakren mynta ka sngi kan long ba kin jam kham sha bar jong ka jingiaburom kaba markyllaing ha khappud ban ia pynbeit ia kane ka jingeh kaba la neh mynta la bunbun phew snem u myntri rangbah ka jylla Assam u la ong ba u kwah ban dei ban ia pynbeit noh ia kane ka jingeh.
La ong ba ki ar tylli ki jylla kin long tang ba kin ia ai ia ka jingmynjur hapdeng jong ki hynrei katum ka riti synshar jong ka Ri India ka dei ka kam jong ka Parliament ban ia pynbeit kumta don kam ia ka jingkdew lynti jong ka sorkar pdeng, la ong ba kane ka juhka jingiakren kin ia kynduh biang ha Guwahati ha ka 6thNailar 2021.
U Myntri Rangbah ka jylla Meghalaya u la ong ba kane ka jingeh kaba ia dei ia ka kam pud kam sam ha pdeng ka jylla Meghalaya bad ka jylla Assam ka dei kaba la sah teng mynta la da ki phew phew snem bad ka long kaba eh ban pynbbeit shisien ia kren bad ia kane ka juh ka jingiakren kumba la kren da u myntri rangbah ka jylla Assam ba kin ia kynduh biang ha Guiwahati.
U Myntri rangbah ka jylla Meghalaya u la ong ba ym dei eh ban bat tang ia kata ka jingiaburom kaba mar kylliang hynrei kin iaid khma sha khmat na kata ka long ban wat ia ki lat ki lynti kumno ban pynbeit ia kane ka jingeh kaba la neh mynta la bun bun snem.
Haba jubab ia ka jingkylli ka mut aiu kata ka jingong ban nym peit than ia ka jingiakular ban ia burom mar kylliang, ki ar ngut ki myntri rangbah kila pynshai ba kum ki jylla ki hap ban burom ia kaei kaba kila ia kren da ki myntri rangbah kiba la leit bad mynta kin wat ia ki lat ki lynti ban pynbeit ia kane ka jingeh kumba ka sorkar pdeng ka thrang.
