Shillong, Iaiong 22: Ki shipai BSF kiba don ha Sonapyrdi ha East Jaitnia Hills District ha ka miet 20/Iaiong/ 2024 kila sympat ia ki samla kiba dang iaid ha kate ka jaka por 9 baje mynmiet bad ha kane ka jingjia kila bom bad pynjulr ruh ia ki ar tylli ki kali.
Halor kane ka jingjia na ka liang jong ka KSU East Jaintia Hills District la shai ka sngi kan khot ia ka jingialang ha ophis trei kam jong ka seng ban ia kren ia kane ka jingleh don bor jong ki shipai BSF kiba don ha katei ka jaka.
Kane ka jingshoh briew jong ki shipai BSF ha katei ka jaka kam dei ka sien kaba nyngkong hynrei kila juh jia teng ha kane ka jaka la bun sien, dei na kane ka daw ba ka KSU ha u snem bala dep kala dawa ban pynkynriah ia kine ki BSF na katei ka jaka.
Haba ia dei bad kane ka jingshah shoh ki samla ha ki BSF na ka liang jong ka MLA na katei ka jaka ka kong Santa Mary Shylla kala ai ka jingkular ba kan sa shim khia ban ia kren ha lor kane ka jaka ba don ki shipai BSF.
