Shillong, Iaiong 15: Ha dien ka jingtrei shitom jong ki pulit ka Pynursla mynta ka jan miet la lap ia ki ar tylli ki met iap kaba la shah ban ha ki maw ba twa ha rait ryngian ha surok ban leit Pynursla, kat haduh ba thoh ia kane ka khubor na ka liang jong ki pulit ki dang leh ia kaba don kam katkum ka ain.
Ha kane ka sngi u MLA jong katei ka jaka u bah Prestone Tynsong u ba dei u symbut myntri rangbah ka jylla ba deipeit ruh ia ka tnad shna surok jong ka sorkar jylla ruh u la leit ban jngoh ia katei ka jaka ba twa.
Kat kum kilat khubor kiba la ioh la ong ba ki pulit haduh mynta la ioh ban sei tang kawei ka met, hynrei ym pat lah ban tip ka dei ka jingno, kawei pat ki pulit ki dang hap ban pynshisha bad mynta ki dang pynthikna ban pynshisha.
Kane ka jingma kaba la ap ha katei ka surok ka dei kaba la iohi bad ki seng bhalang kila ujor sha ki kompeny ba dei ban pynsangeh shuwa hynrei ka jingkylli ka long mano ba la ai bor ban trei kaba la wan rah ia kane ka jingduh ki mynsiem briew ha kane ka jingtwa khyndew.
