Shillong, Nailar 25: U Dr Mukul Sangma myntri rangbah ka jylla yn leit ban ia kynduh ia u Lat jong ka jylla u V.Shamuganathan ban ai ha u Lat ia ki kyrteng jong ki myntri kiba u la weng na ka kam bad ha ka juh ka por ban ai ruh ia ki kyrteng jong ki myntri kiba yn sa pynsmai la shai ka sngi.
Ka working president jong ka seng Congress ka Debora Marak, haba kren ha u SP News Agency kala ong ba kane ka kam ka dei ka kam jong u myntri rangbah, kam don jingtip ei ei, hynrei kala ong ba hooid kan don ka jingbujli myntri.
Kumba ka long mynta ka jingbujlimyntri kala long thikna, wat ki thymmei khubor nap oh Raj Bhavan ruh kila iathuh ba kan dong ka jingpynsmai myntri la shai ka sngi tang ia ka por haduh mynta kim pat lah ban tip namar ba u myntri rangbah ka jylla u Dr Mukul Sangma un dangleit ban ia kynduh ia u Lat ka jylla mynta ka jan miet.
Ki thymmei khubor ki iathuh ba na ka liang jong u myntri rangbah ka jylla ha kane ka kynti kaba mynta u weng lai ngut ki myntri bad yn pynrung da lai ngut kiba thymmai, ia ka kyrteng jong ki ym lah ban tip namar kane ka dei ha ka bor jongu myntri rangbah ka jylla ong thymmei khubor na ka seng Congress.
