Shillong, Nailur 06: Ka tnad ka koit ka khiah mynta ka sngi kala pyntip ba kiba la test COVID-19 positive ki don 16 ngut, na East Jaintia Hills 1, East Khasi Hills 7, Ri Bhoi 2, South Garo Hills 1, West Garo Hills 5 ngut, kiba dang shitom ki don 80 ngut.
Ka tnad ka koit ka khiah kala pyntip ruh ba kiba la ioh ia ka jingkoit mynta ka sngi ki don 16 ngut, kiba dang shitom na kane ka jingpang ha ka jylla baroh kawei ki don 80 ngut, na kien kiba don ha Hospital ban shah sumar ki long 20 ngut.
Ka tnad ka koit ka khiah kala buh jingkhein kiba la test COVID-19 positive ha Meghalaya na duh ba sdang kane ka jingpang pang haduh mynta kala kot sha ka 96512 ngut, kiba la ioh ia ka jingkoit na kane ka jingpang baroh ki long 94813 ngut, kiba khlad haduh mynta ki long 1619 ngut.
