Shillong, Naitung 24: Ka tnad ka koit ka khiah kala pyntip kiba la test COVID-19 positive mynta ka sngi ki don 88 ngut, na East Jaintia Hills 2, na East Khasi Hills 22, Ri Bhoi 4, South West Garo Hills 5, West Garo Hills 52, West Jaintia Hills 3 ngut.
Kiba dang shitom na kane ka jingpang ha ka jylla baroh kawei kala kiew shaka 577 ngut, na kitei kia shitom kiba poi sha Hospital ban shah sumar ki don 54 ngut, na East Khasi Hills 39 ngut, Ri Bhoi 1, West Garo Hills 11, West Jaintia Hills 3 ngut.
Kiba la ioh ia ka jingkoit mynta ka sngi ki don 39 ngut, haduh mynta kiba la test COVID-19 positive ki don 94851 ngut, kiba la ioh ia ka jingkoit baroh haduh mynta ki long 92674 ngut, kiba khlad na kane ka jingpang haduh mynta ki don 1600 ngut.
