Shillong, Naitung 01: Ka tnad ka koit ka khiah mynta ka sngi kala pyntip ba kiba la test COVID-19 positive mynta ka sngi ki long 577 ngut, kiba dang shitom baroh ha ka jylla na kane ka jingpang ki long 4537 ngut haduh mynta ka sngi.
Kiba la test COVID-19 positive mynta ka sngi katkum ki District ki long, East Garo Hills 12, East Jaintia Hills 24, East Khasi Hills 157, Ri Bhoi 260, South Garo Hills 6, South West Garo Hills 6, South West Khasi Hills 14, West Garo Hills 34, West Jaintia Hills 21, West Khasi Hills 27.
La pyntip ruh kiba la ioh ia ka jingkoit mynta ka sngi ki long 250 ngut ha ka jylla baroh kawei kiba bun eh dei hapoh ka Ri Bhoi District 71, baroh kiba la koit na kane ka jingpang ha ka jylla baroh kawei ki long 44709 ngut.
Kiba khlad mynta ka sngi na kane ka jingpang ki long 6 ngut, East Khasi Hills 1, South West Khasi Hills 1, West Jaintia Hills 2, West Khasi Hills 2, kiba khlad na kane ka jingpang baroh kila kiew sha ka 844 ngut haduh mynta.
