Shillong, Nohprah 8: Da ka jingiatreilang ki pulit jong ka Pillanghata Out Post bad ki pulit jong ka Umiam Police Station mynta ka sngi kila ioh ban kurup haduh 1052 tylli ki kuli ka suloi AK-47 na 9th Mile na Baridua Ri Bhoi District.
Nalor kitei ki kuli kiba la ioh ban kurup, na ka iing sah jong u wei u briew ba kila kem ba bala suba ba dei na ka jylla Mizoram , la ioh ban kurup ruh kawei ka tyngam sniang khlaw, hynniew tylli ki reng Syier, kawei ka reng khiat.
Ki tiar siat kaba ki pulit kila ioh ban kurup ka kynthup ia ka suloi 7 LMG ki kuli 7.62, 14 tylli ki kuli 5.56 kiba dei jong ka suloi INSAS bad lai tylli ki synduk bala thylli bala dep ban pyndon kam, kawei ka jingsyiat pynsat khmat, wei bom hand grenade, kawei ka Magazne jong ka suloi INSAS kaba thylli, la kurup ruh lai tylli ki Magazine kiba thylli kiba la dep ban pyndon kam kiba dei jong ka AK-47.
Nalor kitei ki tiar siat kaba la ioh ban kurup na ka liang ki puit kila ioh ban kurup ruh hadh 34 tylli ki seal bad kine ki kyntup ia ki tnad sorkar bapher bapher, na ka liang jong ki pulit kila khot ia ka tnad syntiar jong ki shipai kiba dei na ka Eastern Command ban iarap ha kane ka jingtohkit.
Ia kane ka mukot duna la register hapoh jong ka Khanapara Police Station bad ka muktoduma number 52(12) 23 US 120 B | 468/405/420/380 IPC RW sec 27 arms act and RW sec 51 Wildlife Protection Act.
