Shillong, Iaiong 30: Mynta ka sngi la pyni ia ka bynta ba 100 jong ka ‘Mann Ki Baat’ jong u Myntri Rangbah duh ha Raj Bhavan, Shillong, Ka Mann Ki Baat ka la pynkhlain ia ka jingiasoh hapdeng u Myntri Rangbah duh jong ngi bad ki briew jong ka ri: PhaguChauhan
Ki riewpawkhmatna ki bynta bapher bapher ki la sakhi ia kane ka jingpyni kyrpang ia ka prokram ba la pynlong da ka Tnat I&B, Ka prokram radio kaba man ka bnai jong u Myntri Rangbah duh ka Mann Ki Baatka la kot sha ka bynta kaba 100 mynta ka sngi.
Ka la don ka jingpyni kyrpang ia kane ka prokram ha Raj Bhavan, Shillong ha kaba ki riewpawkhmat na ki bynta bapher bapher ha ka Jylla ki la sakhi ia kane ka jingpyni kyrpang ia ka prokram.
Ki lad pathai khubor ha Shillong hapoh ka Tnat Information of Broadcasting, ha ka jingiatreilang bad ka Raj Bhavan, ki la pynlong ia ka jingpyni kyrpang ia kane ka prokram radio kaba pawnam.
U Lat ka Jylla Meghalaya, u PhaguChauhan u la iashim bynta kum u kongsan ha kane ka jingpyni kyrpang ia ka prokram. Ha ka jingai jingkren jong u, u Chauhan u la ong ba ka Mann Ki Baat ka la pynkhlain ia ka jingiasoh hapdeng u Myntri Rangbah duh bad ki briew jong ka ri, kumjuh ruh ka la ai mynsiem ia ki ban long ki nongwanrahjingkylla ha ka roi ka par ka ri jong ngi.
U Chauhan u la ong ba ka Mann Ki Baat ka la mih kum ka borjingkyllaban pyni ia ki bor kyllum jong ki briew ka ri; u la bynrap shuh shuh, “Lyngba ka prokram, la iakren ia ki phang bapher bapher
La ong la ka long ha ka jingpynkhlain ia ka roi ka par kaba lah ban iaineh, ki sienjam ban pynkupbor ia ki longkmie, ki lad ban pynkhlain ia ka jingiakhih Aatmanirbhar Bharat, ka jingkyntiew ia ki kam ialehkai, ki bynta ba kongsan jong ka deiriti jong ka ri bad shibun kiwei kiwei.”
U Lat u la pynpaw ka jingsngewnguhia u Myntri Rangbah duh uba la kren shaphang ki jinglong ba kyrpang jong ka thain shateilammihngi ha ka prokram ba pawnam- ka Mann Ki Baat.
“Ka thain shateilammihngikhamtam ka Meghalaya, ka la don ka jaka ba don burom ha ka prokram Mann Ki Baat. U Myntri Rangbah duh u la kren shaphang ka thain shateilammihngi bad ka Meghalaya la bun bunsien naduh ba la sdang ia kane ka prokram.”
U Chauhan u la ong ruh ba ka Mann Ki Baat ka la long hakhmat ban pyni ia ki kam kiba ai mynsiem ha ki jaka nongkyndong jong ka ri kynthup ki jaka rilum kumjuh ruh ki aspirational distrik.
U Lat u la pynpaw ka jingsngewkmen ban ioh sakhiia ka jingpyni kyrpang ia ka bynta ba 100 jong ka Mann Ki Baat ryngkat bad ki riewpawkhmat ba kyrpang kiba ka kam bad ka jingim jong ki ruh kiiahap bad ka jingngeit jong kane ka prokram- kaba long ka kam ban iarap ia kiwei.
U Lat u la plie ruh ia ka Exhibition halor ka Change-makers bad ka Azadi Ka AmritMahotsav ba la pynlong ha phyllaw jong ka Raj Bhavan da ka Central Bureau of Communication, Shillong.
