Shillong, Lber 04: Mynta ka sngi la sdang ia ka eksamin Secondary School Leaving Certificate (SSLC) ha kaba baroh ki khynnah skul kiba ia khun ia kane ka eksamin ki don haduh 51356 ngut ha ki 143 tylli ki jaka thoh eksamin ha ka jylla baroh kawei.
Ha kane ka sngi la ki kmie ki kpa kila leit ban synran ia ki jong ki khun ha ki jaka ba ki hap ban leit ban thoh eksamin, na ka liang jong ki pulit ruh kila pahara bha ha man ki jaka ba don ki jaka thoh eksam.
Ban peit ba kan iaid beit ia ka jingthoh eksam na ka liang jong ki shnong kiba don ia ki jaka thoh eksam kila iarap ban peit ba kan nym don kano kano ka jingwit ha ki jaka thoh eksamin.
Haba u SP News Agency u la ioh leit leit peit sha ki katto kane tylli ki jaka ba don ki jaka thoh eksamin la iohi ba ki kmie ki kpa ki ap sha bar jong ki sukul ba don eksamin bad ki don ka jingkyrmen ba kan nym don kano kano ka jingthut ha kane ka por eksam.
