Shillong, Nailur 16: U Director ka tnad ka koit ka khiah mynta ka sngi u la iathuh ba baroh kiba test Covid-19 positive ki long 159 ngut, na kine 11 ngut na ki kynhun shipai bad 148 ngut dei ki riew paidbah.
Kiba la test Covid-19 positive mynta ka sngi ki long, East Garo Hills 1, East Jaintia Hills 34, East Khasi Hills 106, Ri Bhoi 8, South West Garo Hills 2, West Garo Hills 6 bad West Khasi Hill 2. Baroh kiba shitom ki long 1902 ngut.
Kiba la koit mynta ka sngi ki long 74 ngut, na kine East Khasi Hills 40, East Garo Hills 15, North Garo Hills 1, South Garo Hills 2, West Garo Hills 12, West Khasi Hills 4, kiba la koit baroh ki long 2264 ngut.
