Shillong, Naiwieng 7: Mynta ka sngi kiba la test COVID-19 positive ki long 68 ngut, East Khasi Hills 24, West Jaintia Hills 18, Ri Bhoi 9, West Garo Hills 8, South Garo Hills 5, East Jaintia Hills 2, South West Garo Hills 2, baroh kiba dang shitom ki long 995 ngut.
U Director ka tnad ka koit ka khiah u la pyntip ba kiba la koit mynta ka sngi ki long 55 ngut, East Khasi Hills 25, West Jaintia Hills 13, West Garo Hills 12, East Garo Hills 1, North Garo Hills, South West Garo Hills 1, Ri Bhoi 1, haduh mynta kiba la koit ki long 8959 ngut.
La pyntip ruh ba mynta ka sngi ki don ar ngut ki rangbah kiba khlad, ka kyrteng jong kine kiba khlad ki long u bah Firmly Pale 58 snem na Mission Compound JowaiJowai bad u bah Barnabas Pyngrope 54 snem na Rynjah Shillong, kiba khlad baroh kila kynjoh sha ka 93 ngut ha ka jylla baroh kawei.
