Shillong, Iaiong 13: U Director ka tnad ka koit ka khiah u Dr Aman War mynta ka sngi u la pyntip, kiba la test COVID-19 Positive mynta ka sngi baroh ki long 87 ngut, East Khasi Hills 78, East Jaintia Hills 1, Ri Bhoi 4, West Jaintia Hills 03 bad West Khasi Hills 1, kiba dang shitom baroh ki long 270 ngut.
Katkum ka jingpyntip na ka liang jong ka tnad ka koit ka khiah ka long ba na ki 87 ngut kiba la test COVID-19 postive kiba test positive 52 ngut ki dei kiba wan phai, na kine 48 ngut ha East Khasi Hills wei ha Ri Bhoi District, ar ngut ha West Jaintia Hills District West Khasi Hills District 1.
Ha East Khasi Hills ki don 7 ngut kiba la test COVID-19 positive namar ka jingiajan jong ki bad kito kiba la don ia kane ka jingshitom, na ki kynhun shipai la test COVID-19 positive 7 ngut, na Lapalang la test 5 ngut, na Mawlai 3 ngut, kiba la leit ban shah test 5 ngut bad wei na ka tnad ka koit ka khiah.
La pyuntip ruh kiba la ioh jingkoit mynta ka sngi baroh ki long 10 ngut, East Jaintia Hills 1, East Khasi Hills 7, Ri Bhoi 1, West Garo Hills 1 bad kiba la koit na kane ka jingpang haduh mynta baroh ki long 13966 ngut haduh mynta ka sngi.
