Shillong, Nailar 27: U Director ka tnad ka koit ka khiah u Dr Aman War u la iathuh ba la test COVID-19 positive 75 ngut ha ka jylla bad na kine 29 ngut ki dei ha East Khasi Hills, u wei ha South Garo Hills , u wei North Garo Hills , South West Garo Hills 2 ngut ha East Garo Hills District 27 bad ha West Garo hills 15 ngut.
U Director u la iathuh ba ha East Khasi Hills kiba la test COVID-19 positive ki long 29 na kine 25 ngut ki dei kiba ia jan bad kito kiba la don ka jingshitom COVID-19 bad kine ki long na Mawlai Nongkwar ,Anjalee, Nongthymmai ,Sawphorlong ,Jhalupara ,GS Road ,Lower Mawprem, Mawbah ,Bara Pathar ,Laimer, Nong kseh Madan ,Malki ,Bisnapur ,Oakland,Lummawri .kat ba ki 4 ngut ki dei kiba don ia ka Influenza Like Illness ki dei na IGP, Keating Road ,GS Road bad Barapathar .
Ha South Garo Hills uwei u ba la test Covid Positive u dei na ki kynhun shipai ,North Garo Hills uwei u ba la test Covid Positive u dei na ka jingtest naphang , South West Garo Hills 2 ki ba la test naphang ha Mahendraganj , East Garo Hills 27 ngut ki ba la test Covid positive ki kynthup ia ki riewpaidbah ki ba la test naphang ha Rongjeng bad Songsak, West Garo Hills ki ba la test Covid positive ki long 15 ngut kynthup ia ki 11 ngut ki kynhun shipai ,3 ngut na ka jingtest naphang ha Phulbari bad uwei u ba wan phai na sha bar ka jylla.
Kiba shitom ha ka jylla haduh mynta ki la don 1222 ngut, East Khasi Hills 847 , Ri Bhoi 68, West Khasi Hills 43, West Jaintia Hills 2, East Jaintia Hills 12,East Garo Hills District 39, West Garo Hills 187, South Garo Hills 11, North Garo Hills 10 bad South West Garo Hill District 3 .
Kiba la koit baroh ki long 899, kynthup ia ki 25 ngut ki ba la koit mynta ka sngi, Ki nongmuna ki ba ladep ban phah test ki long 81012 tylli, kiba long negative 78431 tylli bad ki resolt ki ba dang ap ki long 452 tylli. Ki briew ki ba la khlad na ka jingpang Covid ki long 9 ngut kynthup ia u rangbah ba khlad myn hynnin ka sngi u ba sah ha Anjalee.
