Shillong, Risaw 29: Ki nongtrei jong ka kompeni GVK kaba pyniaid iaka 108 Ambulance hapoh ka jylla Meghalaya hapoh jong ka lama jong ka Meghalaya EMRI Workers Union mynta ka sngi kila sdang ia ka jingiakhih shah thngan kaba khlem buh por naduh mynta ka sngi khmat ophis kaba don ha Lawmali.
Ia kane ka jingiakhih la pynbna mynin ka sngi da u nongialam jong ka seng u Bah Roipar Kharraswai ha ka jingiakynduh bad ki lad pathai khubor bad kane ka jingiakhih ka long ban pynbor ia ki bor sorkar ba ki dei ban pynbeit ia kane ka jingeh hapoh jong ka EMRI kaba pyniaid ia ka 108 Ambulance ha kane ka jylla.
Mynta ka sngi ki nongtrei jong ka MEMRIWU kila ia shim bynta ha ka jingiakhih shah thngan hapoh phyllaw jong katei ka ophis naduh ka por shiphew baje mynstep.
