Shillong, Iaiong 12: Ia ka tamasa pyninam ia u soh Strawberry kaba ar sngi lynter ma sdang mynta ka sngi ha kylleng jong ka jylla ha ki jaka ba la thung ia une u soh ia kaba la ai jingkyrshan da k tnad rep soh jong ka sorkar.
Ia kane ka jinglehkmen la pyninam ia u soh bad die ruh ha ka jaka ba thung ia u, ki jaka kiba la thung ia une u soh ha ka jylla ka long ha Sohliya, Umsning, Ri Bhoi District, Iewpynsing, Nohron, East Khasi Hills District, Kynktieh, Syntung, East Khasi Hills District, and Darechikgre, West Garo Hills District.
KIba leit ban ia shim bynta ha kane ka jingle kmen ban pyninam ia u soh Strawberry ki don ruh kiwei ki jingialehkai ban pynberngia, kum ka jingtam ia u soh Strawberry, Niah Cycle, ka don ka jingtem jingpud, ki jingpyninam ia ki sur tynra bad ki jigndih kiba la shna da ki briew na kito ki jaka.
Ha ka jingkren u Dr Vijay Kumar D., IAS, Commissioner nad Secretary, ka tnd shangsuwari la ong ba ka jylla Meghalaya ka dei ka jaka ba long bha ban thung ia une u soh, ha bas dang la thung tang ha ka jaka kaba 25 akar bad la kyntiew sha ka 100 akar bad ha u snem ban wan kin pynheh haduh 500 akar ka jaka ban thung ia u ne u sah.
U rangbah shnong Sohliya, u bah Ostander Lyngkhoi, u la ai khublei ia u Dr Vijay Kumar bala kyrshan ban pynlong ia kane ka tamsa namar ka Ri Bhoi marwei ka pynmih hadh 2 lane 3 tone u soh Straberry.
Ha Syntung ka kong Isawanda Laloo, IAS, Secretary, ba dei peit ia ka rep ka riang kala ai khublei ia u sordar shnong bala ai ka jingkyrshan bad lah ban pynlong ia ka shnong kum kawei na ki shnogn bala thung ia u soh Strawberry bad mynta la ithuh na kylleng. Ha kane ka sngi la don lang ruh ki heh sorkar na ka tnad rep.
