Mynta ka sngi thep kyrteng 8 ngut ki kyrtong ban iakhun MLA ha Ri Bhoi District  

Shillong, Rymphang 3: Mynta ka sngi phra ngut ki kyrtong na ki saw tylli ki seng saiñ hima kiba la pynkhreh ban ia aireng ia ka elekshon sha ka iing dorbar thawaiñ ka jylla na ki san tylli ki konstitwensi ka them Ri Bhoi, ki la pyndep mynta ka sngi ban thep kyrteng ialade ha la ki returning officer jong ki.

Kitei ki phra ngut ki kyrtong ki long, san ngut na ka National People’s Party (NPP) na baroh san konstitwensi, kata u Bah Sosthenes Sohtun, na Jirang, u Bah Jason S Mawlong na Umsning, ka Kong Macdalyne S Mawlong na Nongpoh, u Bah Shemphang Lyngdoh na Mawhati bad u Bah Damonbait Lamare na Umroi.

Kiwei pat ki kynthup na ka HSPDP Umsning, u Bah Primson Makdoh, na ka People’s Democratic Party (PDF), Umsning u Bah Donlang Sohkhlet bad na ka Indian National Congress (INC), Jirang, u Bah Adrian Mylliem Chyne.

kumba long haduh mynta ki kyrtong ka party NPP bad jong ka party Congress na baroh San tylli ki constituency ha Ri Bhoi ki la pyndep ia ka jing thep kyrteng katba ki kyrtong jong kiwei pat ki party ki dang sah ban pyndep ia ka jingthep kyrteng. La synran lang ia kitei ki kyrtong hakatei ka sngi da ki kmie ki kpa ki ba ha iing hasem ryngkat bad ki nongkyrshan ki jong ki.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet