Mynta ka sngi thep nomination u Conrad ban ia khun ia ka MLA elekshon na South Tura

Shillong, Naitung 31: U myntri rangbah jong ka jylla Meghalaya u Conrad K Sangma u ba dei ruh u national president jong ka seng National People’s Party (NPP) mynta ka sngi u la thep ia ka nomination jong u sha ka returning ophisar  jong ka South Tura Assembly Konstitwensi ban ia khun ia kane ka MLA elekshon kaban long ha ka 23 tarik Naitung.

Shuwa ban leit thep ia ka nomination na ka liang jong u Conrad kiba ha iing ha sem bad ki nongkyrshah jong ka seng NPP kila leit ban jngoh ia ka jaka tep jong u kpa jong ki u Purno A Sangma ban pynlong ia ka jingduwai, ha kaba da ki phew phew ngut ki briew kila leit ban ia bud lang kiba dei ki nongkyrshan.

Ha dienb a la dep ban hep ia ka nomination ki paidbah kiba la ap ha phyllaw jong ka ophis jong ka Deputy Commissioner  jong ka West Garo Hills District kila pdiang ai khublei kit bok da kaba ai syntiew da ki nongkyrshan jong ka seng NPP. Ha kane ka sngi la don lang ruh ki MLA jong ka seng NPP kiba la ia synrang lang ha kaba leit ban thep nomination.