Shillong, Nailur 22: U President jong ka Cemtral Puja Committee u Naba Bhattacharjee mynta ka sngi la iahuh ba mytna u sem ki don 257 tylli ki jaka lehniam puja, ha Khasi Hills ki don 126 tylli, Jaintia Hills 11 tylliGaro Hills 120 tylli.
Haba kren ha ki lat pathai khubor mynta ka sngi ha Shillong Press Club la iathuh ba ha dien ar snem la ioh biang ban leh kem ha kane ka jingleniam puja, ha kine ki ar snem kim shym la ioh ban leh kmen namar ka jingdon ka khlam COVID-19.
Kumba juh leh man la ka snem kin pynlong ia ka jingiakynduh lang jong baroh ki jaid niam ha kane ka nongbah Shillong ha ka 28th Nailur 2022 kum ka jingiakynduhlang shuwa ba ka jingleh niam puja kan sdang ha ka 2nd Risaw 2022 u bnai ban wan.
Na ka liang jong ka CPC kala ia kren bad ki bor pulit ban peit ia ka iaid kaieng ki kali bad la kyrpad ia ki riew ngeit ba kin kiar na kaba rah ia ki kali hynrei kin iaid da ka kjat lane shong ba ki kali saw ka sorkar.
Na ka liang jong ka CPC kala ia kren bad ka Shillong Municipal bad MeECL ruh ba kan peit ba ki Street Light kin biang namar nangne sha khmat kila wan bun ki jingleh kmen kum ka Diwali bad ka Khristmas ruh kum juh.
Ka Central Puja Committee kala pynmih ruh ia ka jingpynbna paidbah ba ha ka sngi bret blei ka bthah ba ia ki tynmen bad ia ki khynah hapoh ka 12 snem ba kin kiar na kaba wan sha ka jaka bret blei ha Wahumkhrah ha Polo.
